Senin, 05 November 2007
ވައިގެބަނދަރާއެކު ރިޒޯޓް، ޓްރާންސިޓް ހޮޓާ އަދި މެރީނާ ތަރައްޤީކުރުމަށް މާދަމާ ބީލަންފޮތް ވިއްކަންފަށާނެ
Do you like this story?
05 November 2007 | akbar
ތިންސަރަހައްދެއްގައި ވައިގެބަނދަރަކާއި އެތަންތަނާއެކު ޓޫރިސްޓް ރިޒޯޓް، ޓްރާންސިޓް ހޮޓާ، އަދި މެރީނާ ތަރައްޤީކުރުމުގެ ބީލަންފޮތް މާދަމާ ވިއްކަން ފަށާނެއެވެ. ޓޫރިޒަމް މިނިސްޓްރީން ހާމަކުރެއްވިގޮތުގައި މާދަމާއިންފެށިގެން ބީލަންފޮތް ގަތުމަށް އެދޭފޯމް އެމިނިސްޓްރީގެ ކައުންޓަރުންނާއި، ވެބްސައިޓުން ލިބެންހުންނާނެވެ.ޓޫރިޒަމް މިނިސްޓާރީން މަޢުލޫމާތު ދެއްވި ގޮތުގައި، ދިވެހިންނާއި ބޭރުގެ ފަރާތްތަކަށް ހުޅުވާލައިގެން ރާއްޖޭގެ އަތޮޅުތަކުގައި ވައިގެބަނދަރުތަރައްޤީކުރުމަށް ބީލަމަށް ހުޅުވާލެވިފައިވާ ރަށްތަކަކީ ނ. މާފަރު، ބ. ދަރަވަންދޫ، އަދި ޏ.ފުވައްމުލަކެވެ. މިވައިގެބަނދަރުތަކާއި އެކު ފަތުރުވެރިކަން ތަރައްގީކުރުމަށް ކަނޑައެޅިފައިވާ ރަށްރަށަކީ ނ.މާފަރު ވައިގެ ބަނދަރާއެކު ނ.ހުވަނދުމާވައްޓަރު، ބ.ދަރަވަންދޫ ވައިގެބަނދަރާއެކު ބ.މުއްދޫ، އަދި ޏ.ފުވައްމުލަކު ވައިގެބަނދަރާއެކު ގއ. ދިގުރެވެ. މީގެތެރެއިން ޏ.ފުވައްމުލަކު ފިޔަފައި ކޮންމެ ރިސޯޓެއްގައި ތަރައްޤީކުރުމަށް ހަމަޖެހިފައިވަނީ 200 އެނދުގެ ޖާގައާއިއެކު 200 އެނދުގެ ޓްރާންސިޓް ހޮޓަލަކާއި 25 ބާވަތުގެ މެރީނާއެއް ކަމަށް އެމިނިސްޓްރީން ހާމަކުރައްވައެވެ.ބީލަން ފޮތް ވިއްކުމަށް ހަމަޖެހިފައިވަނީ މާދަމާއިންފެށިގެން 26 ނޮވެމްބަރ 2007 ވަނަ ދުވަހާ ހަމައަށް ރަސްމީބަންދުނޫން ކޮންމެ ދުވަހެއްގެ 09:00ން 13:00 ހަމައަށް ކަމަށްވެސް ޓޫރިޒަމް މިނިސްޓރީން ހާމަކުރައްވައެވެ. އަދި ބިޑް ޑޮކިޔުމެންޓް ހުށަހަޅާއިރު ބިޑް ސެކިޔުރިޓީގެ ގޮތުގައި 400،000 (ހަތަރު ލައްކަ) އެމެރިކާ ޑޮލަރުގެ ބޭންކް ގެރެންޓީއެއްވެސް ހުށަހަޅަންޖެހޭނެކަމަށް އެމިނިސްޓްރީން ހާމަކުރައްވައެވެ.
This post was written by: Franklin Manuel
Franklin Manuel is a professional blogger, web designer and front end web developer. Follow him on Twitter
Langganan:
Posting Komentar (Atom)
0 Responses to “ވައިގެބަނދަރާއެކު ރިޒޯޓް، ޓްރާންސިޓް ހޮޓާ އަދި މެރީނާ ތަރައްޤީކުރުމަށް މާދަމާ ބީލަންފޮތް ވިއްކަންފަށާނެ”
Posting Komentar